@ كانو اربعة في سالف العصر والأوان بالرياض @

امرؤ القيس


وجرير


والفرزدق


والمتنبي


راكبين سيارت المتنبي
( الكورلا >> شكله سوداني )
المهم
وطالعين يتعشون في مطعم (( داجن )) <<< مطعم مشهور بالرياض


طبعاً امرؤ القيس ( شايبهم )
كان متضايق لانه ما يحب
طلعات الليل ..


وكان يقولهم خلنا نطلب العشاء
سفري وكل شوي يلمح لهم
ويقول :
" ألا ايها الليل الطويل ألا أنجلي **** بصبح وما الإ صباح منك بأمثل "

بس الشباب مطنشينه لانهم
يحبون اللفلفه بشارع التحليه

عموماً ..

المتنبي ما كان منتبه .. وجاء
واحد توه متعلم السواقه وحده بالسياره

وخلاه يرقى دوار العويضه .. << دوار العويضه هذا في الثمامه

انقهر المتنبي لدرجة انه التفت
على الشباب وهو يصرخ :

" من لم يمت بالسيف مات بغيره **** تعددت الأسباب والموت واحد "

بس الفرزدق وجرير (اللي كانو راكبين ورى )
ماكانوا فاضين له !


شي غريب جرير والفرزدق راكبين جنب بعض

اكيد انواع المحشات بينهم
( 24 ) ساعه


فجئة عم الهدوء

استغرب المتنبي !!

ما هي عادتهم

اثرهم قاعدين يكحلون
عيونهم

شافوا طرف عباة طالعة من جمس ومظلل

تهيض جرير
( عاد الأخ ما يبغاله شي )
وقال :
" إن العيون التي في طرفها حور **** قتلتنا ثم لم يحيين قتلانا "

وقام يتطلب المتنبي يلحق
الجمس

احببتها .. ارجوا ان تدوس على
البنزين وتلحق خلفهم

عاد المتنبي يوووووووووووه
أنواع الغرور في ذاك اليوم الآدمي

رد عليه :
ما بقا إلا هي !!!

أنا المتنبي أنا اللي :
" الخيل والليل والبيداء تعرفني **** والسيف والقرطاس والقلم "

تبغاني الحق الجمس !!!

آسف يا خي تخيل شافنا
ابو العتاهيه بجمس الهيئة
بتنفعنا أنت وخشمك .!!

زعل جرير وقفلت معه وبغى
يتضارب مع المتنبي

ولأول مره في تاريخ الشعر
العربي

وتدخل الفرزدق ويحاول
بالمتنبي انه يلحقهم وهات
مدح بالمتنبي

" هذا الذي تعرف البطحاء وطأته **** والبيت يعرفه والحل والحرم "

ومن هالمدح ...

وبالأخير انتفخ راس المتنبي
وقرر يلحقهم

طبعاً امرؤ القيس كان راكب
قدام وموجه راسه جهة البنات

بس كان عاجبه الجمس حقهم
( موديل 2005 ) يلاعب الهوا

وبدا يتغزل بالجمس :

" مكر مفر مقبل مدبر معا **** كجلمود صخر حطه السيل من على "

المهم .. بدا الجمس يبعد عن
الشباب

بدى جرير يستهزئ بعزم
( الكورلا )
" على قدر أهل العزم تأتي العزائم **** وتأتي على قدر الكرام المكارم "

قفلت مع المتنبي وقال
للفرزدق :
والله ما لومك الله يلوم اللي يلومك

قال الفرزدق اجعلها في
اثنين حتى تقدر تاصله

ردها المتنبي باثنين
ودوووووووووس

وصادوا الجمس آخيراً عند مخرج 16
وهم جايين من الثمامه

وقفوا جنب الجمس

وقال المتنبي لجرير :
يالله ورنا شطارتك

رد جرير : اعتبر الموضوع منتهي

اشر جرير للبنات
نزلوا القزازه عاد البنات ما صدقوا خبر

فتحوا القزازه .. وكانت صدمه
ما بعدها صدمه !!





































شـــــــــــلة طــــــــــــقــــــــاقـــــــــات ؟؟؟؟




الشباب انصرعوا من هول المفاجئة

عاد البنات تحطموا يوم شافوا ردة الفعل
وقاموا يتكلمون عليهم

جرير كان اكثر واحد متأثر
ويقولهم :
" فغضي الطرف ايتها القبيحة **** فلا باسكال بلغتني ولا فطومه "

أغربي عن وجهي ايتها البومه

طبعاً الوضع مكهرب بالسيارة

بهذا الوقت قال امرؤ القيس :
والله اني قايله

موضوع به غزل وسيرته اكيد
ابو نواس بيحضر أول واحد

،،،

منقول من جوالي

،،

اتمنى انكم انبسطتو

،،

دمتم بود

،،